গীতাপাঠপূর্ব মঙ্গলাচরণ

গীতাপাঠপূর্ব মঙ্গলাচরণ:- 

ওঁ তৎ সৎ অথ শ্রীমদ্ভগবদ্গীতা প্রারভ্যতে শ্রীগোপালকৃষ্ণায় নমঃ 

ওঁ অস্য শ্রীমদ্ভগবদ্গীতামালামন্ত্রস্য শ্রীভগবান্ বেদব্যাসঃ ঋষিঃ অনুষ্টুপ্ ছন্দঃ শ্রীকৃষ্ণঃ পরমাত্মা দেবতা অশোচ্যানন্বশোচস্ত্বং প্রজ্ঞাবাদাংশ্চ ভাষসে ইতি বীজং, সর্বধর্মান্ পরিত্যজ্য মামেকং ব্রজেতি শক্তিঃ, অহং ত্বাং সর্বপাপেভ্যো মোক্ষয়িষ্যামি মা শুচঃ ইতি কীলকম্৷ নৈনং ছিন্দন্তি শস্ত্রাণি নৈনং দহতি পাবকঃ ইত্যঙ্গুষ্ঠাভ্যাং নমঃ৷ ন চৈনং ক্লেদয়ন্ত্যাপো ন শোষয়তি মারুতঃ ইতি তর্জনীভ্যাং নমঃ৷ অচ্ছেদ্যোহয়মদাহ্যোহয়মক্লেদ্যোহশোষ্য এব চ ইতি মধ্যমাভ্যাং নমঃ। নিত্যঃ সর্বগতঃ স্থাণুরচলোহয়ং সনাতনঃ ইত্যনামিকাভ্যাং নমঃ৷ পশ্য মে পার্থ রূপাণি শতশোহথ সহস্রশঃ ইতি কনিষ্ঠাভ্যাং নমঃ। নানাবিধানি দিব্যানি নানা বর্ণাকৃতীনি চ ইতি করতল পৃষ্ঠাভ্যাং নমঃ ইতি করন্যাসঃ৷

 নৈনং ছিন্দন্তি শস্ত্রাণি নৈনং দহতি পাবকঃ ইতি হৃদয়ায় নমঃ৷ ন চৈনং ক্লেদয়ন্ত্যাপো ন শোষয়তি মারুতঃ ইতি শিরসে স্বাহা৷ অচ্ছেদ্যোহয়মদাহ্যোহয়মক্লেদ্যোহশোষ্য এব চ ইতি শিখায়ৈ বষট্। নিত্যঃ সর্বগতঃ স্থাণুরচলোহয়ং সনাতনঃ ইতি কবচায় হুম্ ৷ পশ্য মে পার্থ রূপাণি শতশোহথ সহস্রশঃ ইতি নেত্রত্রয়ায় বৌষট্। নানাবিধানি দিব্যানি নানাবর্ণাকৃতীনি চেতি অস্ত্রায় ফট্৷ ইতি অঙ্গন্যাসঃ৷ শ্রীকৃষ্ণপ্রীত্যর্থং পাঠে বিনিয়োগঃ৷

গীতার ধ্যান:- 

পার্থায় প্রতিবোধিতাং ভগবতা নারায়ণেন স্বয়ম্ ব্যাসেন গ্রথিতাং পুরাণমুনিনা মধ্যে মহাভারতম্৷ অদ্বৈতামৃতবর্ষিণীং ভগবতীমষ্টাদশাধ্যায়িনীম্ অম্ব ত্বামনুসন্দধামি ভগবদ্ গীতে ভবদ্বেষিণীম্ ॥১॥ পার্থায়, প্রতিবোধিতাম্, ভগবতা, নারায়ণেন, স্বয়ম্, ব্যাসেন, গ্রথিতাম্, পুরাণমুনিনা, মধ্যে, মহাভারতম্, অদ্বৈত-অমৃত-বর্ষিণীম্, ভগবতীম-অষ্টাদশ-অধ্যায়িনীম্ অম্ব, ত্বাম্, অনুসন্দধামি, ভগবদ্ গীতে, ভব-দ্বেষিণীম্ ॥১॥ নমোহস্তু তে ব্যাস বিশালবুদ্ধে ফুল্লারবিন্দায়্তপত্রনেত্র৷ যেন ত্বয়া ভারততৈলপূর্ণঃ প্রজ্বালিতো জ্ঞানময়ঃ প্রদীপঃ ॥২॥ নমঃ, অস্তু, তে, ব্যাস, বিশালবুদ্ধে, ফুল্ল-অরবিন্দ-আয়্ত-পত্র-নেত্র, যেন, ত্বয়া, ভারত-তৈল-পূর্ণঃ, প্রজ্বালিতঃ, জ্ঞানময়ঃ, প্রদীপঃ ॥২॥ প্রপন্ন পারিজাতায় তোত্রবেত্রৈকপাণয়ে৷ জ্ঞানমুদ্রায় কৃষ্ণায় গীতামৃতদুহে নমঃ ॥৩॥ প্রপন্ন-পারিজাতায়, তোত্র-বেত্র-এক-পাণয়ে, জ্ঞান-মুদ্রায়, কৃষ্ণায়, গীতা-অমৃত-দুহে, নমঃ ॥৩॥ সর্বোপনিষদো গাবো দোগ্ধা গোপালনন্দনঃ পার্থো বৎসঃ সুধীর্ভোক্তা দুগ্ধং গীতামৃতং মহৎ ॥৪॥ সর্ব-উপনিষদঃ, গাবঃ, দোগ্ধা, গোপাল-নন্দনঃ, পার্থঃ, বৎসঃ, সুধীঃ, ভোক্তা, দুগ্ধম্, গীতা-অমৃতম্, মহৎ ॥৪॥ বসুদেবসুতং দেবং কংসচাণূরমর্দনম্৷ দেবকীপরমানন্দং কৃষ্ণং বন্দে জগদ্ গুরুম্ ॥৫॥ বসুদেব-সুতম্, দেবম্, কংস-চাণূরম্-অর্দনম্, দেবকী-পরম-আনন্দম্, কৃষ্ণম্, বন্দে, জগদ্ গুরুম্ ॥৫॥ ভীষ্মদ্রোণতটা জয়দ্রথজলা গান্ধারনীলোপলা শল্যগ্রাহবতী কৃপেণ বহনী কর্ণেন বেলাকুলা৷ অশ্বথামবিকর্ণঘোরমকরা দুর্যোধনাবর্তিনী সৌত্তীর্ণা খলু পাণ্ডবৈ রণনদী কৈবর্তকে কেশবে॥৬॥ ভীষ্ম-দ্রোণ-তটা, জয়দ্রথ-জলা, গান্ধার-নীল-উপলা, শল্য-গ্রাহবতী, কৃপেণ, বহনী, কর্ণেন, বেলা-আকুলা, অশ্বথাম-বিকর্ণ-ঘোর-মকরা, দুর্যোধন-আবর্তিনী, সা, উত্তীর্ণাঃ, খলু, পাণ্ডবৈঃ, রণ-নদী, কৈবর্তকে, কেশবে ॥৬॥ পারাশর্যবচঃসরোজমমলং গীতার্থগন্ধোৎকটং নানাখ্যানককেশরং হরিকথাসম্বোধনাবধিতম্ ৷ লোকে সজ্জনষট্ পদৈরহরহঃ পেপীয়মানং মুদা ভূয়াদ্ভারতপঙ্কজং কলিমলপ্রধ্বংসি নঃ শেয়সে ॥৭॥ পারাশর্য-বচঃ-সরোজম্, অমলম্, গীতা-অর্থ-গন্ধো-উৎকটম্, নানা-আখ্যানক-কেশরম্, হরি-কথা-সম্বোধন-আবধিতম্, লোকে, সৎ-জন-ষট্-পদৈঃ, অহঃ-অহঃ, পেপীয়মানম্, মুদা, ভূয়াৎ, ভারত-পঙ্কজম্, কলিমল-প্রধ্বংসি, নঃ, শেয়সে ॥৭॥ মূকং করোতি বাচালং পঙ্গুং লঙ্ঘয়তে গিরিম্৷ যৎকৃপা তমহং বন্দে পরমানন্দমাধবম্ ॥৮॥ মূকম, করোতি, বাচালম্, পঙ্গুম্, লঙ্ঘয়তে, গিরিম্৷ যৎকৃপা, তম্, অহম্, বন্দে, পরমানন্দ-মাধবম্ ॥৮॥ যং ব্রহ্মাবরুণেন্দ্ররুদ্রমরুতঃ স্তুন্বন্তি দিব্যৈইঃ স্তবৈ- র্বেদ্যৈইঃ সাঙ্গপদক্রমোপনিষদৈর্গায়ন্তি যং সামগাঃ ধ্যানাবস্থিত-তদ্ গতেন মনসা পশ্যন্তি যং যোগিনো যস্যান্তং ন বিদুঃ সুরগণা দেবায় তস্মৈ নমঃ ॥৯॥ যং ব্রহ্মা-বরুণ-ইন্দ্র-রুদ্র-মরুতঃ, স্তুন্বন্তি, দিব্যৈইঃ, স্তবৈঃ, বেদ্যৈঃ, স-অঙ্গ-পদক্রম-উপনিষদৈঃ, গায়ন্তি, যম্, সাম-গাঃ, ধ্যান-অবস্থিত-তদ্ গতেন, মনসা, পশ্যন্তি, যম্, যোগিনঃ, যস্য, অন্তম্, ন, বিদুঃ, সুর-অসুরগণাঃ, দেবায়, তস্মৈ, নমঃ ॥৯॥ ইতি শ্রীমদ্ভগবগীতা-মঙ্গলধ্যানং সমাপ্তম্৷